gonguferd 034 (800x600)Tungufell er efsti bærinn í Hrunamannahreppi.  Bærinn stendur við austur bakka Hvítár á móts við Brattholt.  Bærinn í Tungufelli er talinn liggja fjærst, allra bæja á Suðurlandi, frá sjó.  Styst er í Hvalfjörð um 58 km. Frá veginum inn Tungufellsdal er þægilegt að ganga um friðreit Landgræðslunar að Gullfossi en fossinn er engu síðri að austan séð.  Tungufellsdalur er innaf bænum fallegur dalur með birkiskógi og í gengum dalinn rennur Dalsá og Svartá kemur niður í dalinn í fallegu gljúfri sem heitir Svartárgljúfur.